მას შემდეგ, რაც ჩვენმა ბლოგმა ფუნქციონირება დაიწყო, არაერთი წერილი მომდის, დაახლოებით, ასეთი შინაარსის:
„ძალიან მაინტერესებს ინტერნეტში საქმიანობა.
(ვაა, ჩემიანი! – მიხარია ყოველი ასეთი ფრაზის წაკითხვისას)
გამოვიწერე თქვენი წიგნი „21-ე საუკუნის ბიზნესი“
(ე. ი. ნამდვილად აინტერესებს, – ვასკვნი და კიდევ უფრო მიხარია).
თუ შეიძლება, ორი სიტყვით ამიხსენით, ამით ფული როგორ უნდა ვიშოვო?” Продолжение ‘ინფობიზნესი ორი სიტყვით’ »
ჩვენი პიროვნული თუ საქმიანი გეგმების წარმატებული რეალიზაცია, ძალიან ხშირად, დამოკიდებულია არა მხოლოდ ტექნიკურ დეტალებსა და განსახორციელებელი იდეების ხარისხზე, არამედ იმაზეც, როგორი ურთიერთობა გვაქვს სხვა ადამიანებთან, რამდენად სამართლიანები ვართ ან პრინციპულები, აქტიურები ან პასიურები, როგორ ვრეაგირებთ კრიტიკაზე, ან, რაც კიდევ უფრო მნიშვნელოვანია, შექებაზე.
ქებაზეც? აბა, როგორ?! ქება ხშირად შეურაცხმყოფელ კრიტიკაზე საშიში, გაცილებით მეტი უსიამოვნების მომტანი და უფრო მეტი საფრთხის შემცველია, ვიდრე უსაფუძვლო ცილისწამება, თუნდაც, უმადურობა.
რაც ამქვეყნად ჩნდება, ყველაფერი იზრდება და დიდი ხდება, გარდა განსაცდელისა – ის თავიდან ჩანს დიდიო, – გვეუბნება აღმოსავლური სიბრძნე და, ალბათ, თქვენც არაერთხელ დარწმუნებულხართ ამაში. ღვთის შეწევნით, უძვირფასესი და უსაყვარლესი ადამიანების გვერდში დგომით, სიმხნევითა და შეუპოვრობით, ჩემი განსაცდელებიც, მზეში მოხვედრილი თოვლის გუნდასავით, დაპატარავდა და გაილია. ვიცი, გაგახარებთ ამის მოსმენა.
ახლაღა ვიგრძენი, როგორ მომნატრებია და მომშიებია ჩემი საყვარელი საქმის კეთება, რასაც ბოლო დროს უამრავი ხელისშემშლელი მიზეზი გამოუჩნდა. რას იზამ, განსაკუთრებულ შემთხვევებს ვერაფერს მოუხერხებ, თუმცა, საქმეს რომ ძალიან გვიფუჭებს, იმ, ერთი შეხედვით, ჩვეულებრივი შემთხვევებისგან კი უნდა ვიცოდეთ, როგორ დავიზღვიოთ თავი.
წარმატებული ინფობიზნესმენის, დიმიტრი პეჩორკინის, აზრით, არსებობს 5 ცივსისხლიანი მკვლელი, რომელსაც ჩვენი ონლაინ ბიზნესის სრული განადგურება შეუძლია. მოდი, ერთად მოვუსმინოთ დიმას და დროულად გამოვააშკარაოთ ისინი:
სტრესები რომ ცუდია და მისგან თავის დაცვაა საჭირო, თითოეულ ჩვენგანს შესანიშნავად მოეხსენება, მაგრამ ცხოვრება, ძალიან ხშირად, აინუნშიც არ აგდებს ამას: ხან მოულოდნელი განსაცდელის სახით შეეცდება შენთვის გზის გამრუდებას, ხან ცილისწამების და ღალატის გემოს გაჩვენებს, ხან სამსახურიდან გათავისუფლების ბრძანებას ან საგადასახადო შემოწმებას გამოგიგზავნის წინასადღესასწაულო „საჩუქრად“ და ხან მძიმე ავადმყოფობის დიაგნოზით „გაგახარებს“.
Продолжение ‘ახალი 2013, ძველი პრობლემები და რამდენიმე საახალწლო შეგონება გურმანთათვის’ »
ამ განსაზღვრებას პირველად ტიმ ფერისის ცნობილ წიგნში „ოთხსაათიანი სამუშაო კვირა“ წავაწყდი, მერე კი აღმოვაჩინე, რომ, ახალ ცნებასთან ერთად, ჩვენს საყვარელ პლანეტაზე, თანდათან ფეხს იკიდებს და ვითარდება სრულიად ახალი – მე ვიტყოდი, ცრურწმენებისგან თავისუფალი – ცხოვრების სტილი, რომელსაც ძალიან საინტერესო, ორიგინალური და „ოდნავ“ განსხვავებულად მოაზროვნე ადამიანები – ძირითადად, ინფობიზნესმენები 
– ამკვიდრებენ.
სწორედ ისინი მიეკუთვნებიან ახალი მდიდრების „კასტასა“ და კატეგორიას, რომლის ჩამოყალიბებაშიც ყველაზე დიდი როლი ინტერნეტის განვითარებამ შეასრულა.
რა განსხვავებაა ძველ და ახალ მდიდრებს შორის? ახლა სწორედ ამაზე მინდა, გესაუბროთ.
დღეს ბლოგზე სტუმარი გვყავს – ახალგაზრდა ქართველი ინტერნეტ მარკეტოლოგი, დავით გრძელიძე, რომლის პროექტს internet-marketingi.com შესაძლოა უკვე გაეცნო კიდეც ზოგიერთი თქვენგანი. ჩვენი ბლოგის ერთგულ მკითხველებს კი არც მისი შინაარსიანი კომენტარები დარჩებოდათ შეუმჩნეველი.
დღეს მე და დავითი ინტერნეტ მარკეტინგის სპეციფიკაზე ვისაუბრებთ და განვიხილავთ ამ სფეროს თავისებურებებს საქართველოში. ვფიქრობ, ყველასთვის საინტერესო და სასარგებლო იქნება პრაქტიკოსი ინტერნეტ მარკეტოლოგის გამოცდილების გაზიარება, რისთვისაც დიდ მადლობას ვუხდი მას და რამდენიმე აქტუალური კითხვით მივმართავ:
მას შემდეგ, რაც ინფოპროდუქტი მზად გვექნება, თავისთავად ჩნდება კითხვა: სად გავყიდოთ იგი? რადგან, მიუხედავად არაერთი განმარტებისა, ამ შეკითხვას ისევ და ისევ გვისვამენ მკითხველები, თავი ვალდებულად ჩავთვალე, ამ სტატიაში, ყველა ძირითადი საშუალება, თქვენთან ერთად, ერთხელ კიდევ გამეანალიზებინა:
აი, ისევ თქვენთან ვარ, ჩემო ძვირფასო მკითხველებო, მეგობრებო, თანამოაზრეებო, კოლეგებო და მომავალო კოლეგებო 
გმადლობთ, რომ ამ პოსტის წასაკითხად მოიცალეთ.
დღეს, ჩვენს მყუდრო ბლოგზე, ცოცხალი, მწვავე და, შესაძლოა, ცოტა ხმაურიანი დიალოგის მონაწილე გახდებით. ამ ბლოგის ერთ-ერთმა ძვირფასმა და ხშირმა სტუმარმა, სტატიის „იყიდება თუ არა ქართული ინფოპროდუქტები“ ბოლოს, საკმაოდ ვრცელ კომენტარში, იმდენი და ისეთი საინტერესო კითხვა დამისვა, რომ ღრმად დარწმუნებულმა იმაში, კომენტარის ფორმატში ვერ ჩავეტეოდი, ვთხოვე, ახალი პოსტით გიპასუხებ-მეთქი. ვფიქრობ, ეს კითხვა-პასუხი, არა მარტო ჩვენ ორისთვის, არამედ თქვენთვისაც საინტერესო და სასარგებლო აღმოჩნდება.
Продолжение ‘კიდევ რა უნდა ვიცოდეთ ანუ… რა საერთოა კომბოსტოსა და ინფოპროდუქტს შორის?’ »
თუ ჩემმა ძალისხმევამ ამაოდ არ ჩაიარა და წინა სტატიაში გადმოცემულმა ინფორმაციამ თქვენი დარწმუნება შეძლო იმაში, რომ დროა, საკუთარი ინფოპროდუქტი გაგაჩნდეთ, ისღა დაგრჩენიათ გაარკვიოთ, როგორ გააკეთოთ იგი იმგვარად, რომ… გაიყიდოს!
იმედია არ ფიქრობთ, რომ რაკი ქართულ ინტერნეტ სივრცეში ინფოპროდუქტების გაყიდვა სრულიად რეალური და შემოწმებული ამბავია, ყველაფერი გაიყიდება, რაც არ უნდა მოინდომოთ.
რა თქმა უნდა, ეს ასე არაა, მეგობარო!
ამიტომ აუცილებლად მივიჩნიე, ქვემოთ იმ აუცილებელი საკითხების ჩამონათვალი გამეკეთებინა, რასაც, პირველ რიგში და აუცილებლად, უნდა მიექცეს ყურადღება ინფოპროდუქტის შექმნისას, რომ მან არამარტო შემოქმედებითი სიხარული, არამედ გარკვეული შემოსავალიც მოგვიტანოს.
